ฟังลำกลอนพุทธทำนาย โดย หมอลำบัวศรี เหมแดง และหมอลำสวาสดิ์ ประทุมทอง

กลอนพุทธทำนาย

ฟังเด้อเจ้าเฒ่าแก่ทังหลายเรื่องพุทธทำนายคำสอนพระเจ้า เผิ่นไดทายคำเว้าหลายสิ่งหลายตอน เรื่องเมตไตรพยากรณ์คำสอนเพิ่นอ้างเผินทายไวหลายอย่างตามแต่เห็นมาไก้ว่างศาสนา พวมโงพวมต่าวเพิงใดยินแต่ขาวหลายสิ่งหลายอันไกล้สิเถิง 3000 เกิดเมืองเกิดฝั่งมะหาโจนเวียนหนึ่ง คองแถนบรรลังใกล้บ่อนหมากัดหนังลือมครองลืมเค้า ได้ยินแต่เผิ่นเว้าว่าหัวด่อนนำหลังจั่งแม่นคักปานหยังใกล้เวียงจันทร์บ่อนเป็นดงเป็นบุ่งเขตไม้ไพรพนา พากันขุดเฮ็ดนาแตกแตนแปนป่าคนกะสิเข้าผ่าชอกคันสนเสนตกหว่างหลาน หว่างเหลนนำฮอยช้างปู่ คนสิขึ้นไปอยู่คาวช้างหางดง ถางป่าไล่ป่าบงแตกแตนแปนเป่าดงสิกายเป็นเล่งใกล้แล้วคุณตา ใกล้สิเห็นหมู่กาปนขาวลาวฮุ่ง คนบาปลี้อยู่สุ่งถ้ำห่องเหอหิ่น ผู้เผิ่นรักษาศีลปู่แปงกระกาศ พระคาธรรมมิกะราชคอยเบิ่งเอาเด้อ พวกหมู่เจ้าอย่าเผลอใกล้เถิงมาแล้ว แกวสิคืนเมือบ้านลาวเป็นสามห่ม พยายมกะสิจ้ำ คนฮ้ายส่งไป หว่างหนีดงป่าไม้สัตว์เถื่อนหนีภัย ผู้อยู่ไกลสิกลับคืนมานอนใกล้หว่าเดือนเจียงค่อยเขตถิ่นหัวพัน บงเวียงสุยหัวหลวงทุ่ง หัวหินพุ้นหยังเป็นหยังกะสิปุ่นตายปานขอนไฮ่ ตกหว่างไกผู้โจ้นขันชั้นเบิ่งยาม พราหมณ์บ่หัวชามื้ออาจารย์ลืมครองสวดบวชหนึ่งเดือนแล้วจ้อยเลยช้ำถ่ายหนี ปีไฟไหม้สิเป็นใบเกิดป่ง แม่น้ำโขงกะสิปำเป็นค่ายก่ายสะพาน ต่อไปหนี่สิมีบ้านก่ายบ้านถึงทั่วกันหมด ทางบ่มีทางคดลาดยางเอาไว้ ไทยสิเป็นไทยแท้ชุมแดงนั้นผ่าย นายสิทำเวียกบ้านการสร้างสู่ อันดวงพระจันทร์ทางใต้สิกลับมีสองหน่วย ควายเขาแก้วเกิดขึ้นชุมม้าปิงเขา ต่อไปหนี่ละเจ้าเขตหว่างหลวงพระบาง ทางเวียงจันทร์หัวหลวงหมู่ชุมหัวห้าพาลาพื้นไฮฟองสองฝั่ง ราชวงค์สิมานั่งลาวสิหุ้งยุ้มเป้ยสาวน้อยนั่งเทียม เฮียมเคยชอมดูแล้วมันจริงเผิ่นเล่าให้หมู่เจ้านั้นตั้งหันหน้าใส่ธรรมฟังคำสอนพระองค์เจ้ากินทานอย่าได้ขาด อย่าประมาทแล้วได้ความไฮ้สิห่างหนี

หมอลำกลอน (ฝ่ายชาย): นายบัวศรี เหมแดง อำเภอเขมราฐ จังหวัดอุบลราชธานี

หมอลำกลอน (ฝ่ายหญิง): นางสวาสดิ์ ประทุมทอง อำเภอเขมราฐ จังหวัดอุบลราชธานี