ฟังลำกลอนเกี้ยวแรกพบ โดย หมอลำบัวศรี เหมแดง และหมอลำสวาสดิ์ ประทุมทอง

กลอนเกี้ยวแรกพบ

นับแต่มาเห็นหน้าดารารูปหล่อ บุญพี่หลายกะจั่งพ้อพอค่ำหน่อยดี มาเห็นนางมื้อนี้บุญพี่เหลือหลาย เป็นดั่งสายแนนชักจ่องจูงมาพ้อ มาเห็นนอคูณค่ำอยากนำแยงทุกก้าวอย่าง คุณผู้งามวาดช้างตากระด้างเพื่อมองวาดถูกต้องรูปก็ค่องงามสม พี่ขอชมนางแมนแม่นพระทัยตามองพระนางน้องมองๆแล้วกระส่องมองท่อได๋ไก้ลงโอ้นั่ง มาเห็นนางรูปโก้โอ้อ่าวพายไต ไสสินำไปจาท่าทางไกลน้อง นางคือทองในห่างคนดีบ่มีชั่ว พี่คือตะกั่วเก้ขอเป้เผิ่นเล รูปร่างเก้ขี้ตะเหล่ผิวดำย้านบ่สมทองคำว่าแหงนแสนย้องแสนมองแล้วมองดายกะมองเป่าย้านพระนางบ่เว้าของเก้ซั่วซาม เว้าท่อได๋แห่งก้ามอายเผิ่นเกินศักดิ์ คันสิจาความรักชั่วดินกับพัง นางบ่เหลียวดูหน้าหัวชาจาต่อ ส่างเถาะนอเผิ่นไก้ไตเก้ออย่ากเด่มือแม่นนางขายกล้าชื้อเว้าชื่อถือศีล ถ้านางยินดีนำแม่นบุญคุณล้น คนจน ๆ อยากหมายนางผู้เจ้าห่าง พี่นี้คนฮ้างๆ อยากขอห้างก่ายสูง จุดบ่อนมุ้งจูงใส่คนสวยผู้มวยผมดำบ่หล่ำแลตาซ้ายเห็นชายคนแก้เสเพหมองหม่น พี่อยากขอเข้าซ้นคำกันให้ชื่นใจ ขอเข้าใกล้เทียบไหล่เชยชิด พี่ขายขอเป็นมิตรเหนี่ยววรชมช้อน เป็นจังได๋ทองก้อนชายวอนมิได้บ่หรือบ่พอก่าวเกี่ยวเหลียวจ้องบ่แม่นตา โทษเถาะเด้อน้องหล่าสาวส่งนำสมัย น.ส.ไทยคนลือแม่นละนอพระนางน้อง เจ้าผู้ทองในเบ้าไผสิเอาเบ้าก่ายไผเด้นอสิบายบ่อนบ้ำคำโต้นบ่อนโนนเจ้าโอ้นโต้นโชนห่อคำปุ่นบุญบ่ทันเทียมยศอยากเด่มือมาใกล้ เป็นจั่งนวนนองปองดีหรือชั่วนางมีผัวอยู่ช้อนหรือหล่อนเปี่ยวพลอย ยังเป็นสาวหนุ่มน้อยบ่มีคู่เฮียงฮัก คนมันหลงนำแปงอยากแต่งตัวฟรีแปงเจ้าทางกันเล่าโกนหาจ่ายกันแปลงหรอกของปลอมหอมแต่ครีมบาหยันกลิ่นน้ำมันมาป้ายแนวสาวงามหลมท้ายคือเกวียนบ่มีอั่ว ผัวนางมีอยู่ช้อนวอนเว้ากะบ่เป็นศีลเผิ่นบอกให้เว้นบ่ให้ล่วงทางกาม พี่ทวนถามนงรักอย่ากล่าวคำอำอิ้ง ถ้าเป็นหญิงหวงห้ามอภัยกันสัญญาติผิดพลาดบทบาทเกี้ยวอภัยท่อนบ่อนจริงหญิงชายนี้ประเพณีบอกแจ้งเป็นจั่งได๋ให้เว้าแถลงเรื่องอย่าเขื่องขัง

หมอลำกลอน (ฝ่ายชาย): นายบัวศรี เหมแดง อำเภอเขมราฐ จังหวัดอุบลราชธานี

หมอลำกลอน (ฝ่ายหญิง): นางสวาสดิ์ ประทุมทอง อำเภอเขมราฐ จังหวัดอุบลราชธานี