ฟังลำกลอนฮีตสิบสอง โดย หมอลำวิจิตร อยู่เย็น และหมอลำจรวย แซ่ตั้ง

กลอนฮีตสิบสอง

มาบ ๆ ฟ้าปีใหม่เดือนหก ฝนกระตกลงมาพ่นผิวลงผื้น จูดบั้งไฟแสนขึ้นถวยแถนองค์ใหญ่ บุญบั้งไฟจั่งได้มีเยียงอย่างตาม ขอกลอนน้ำมหาเมฆเมโคขออาโปจากแถนถวยเฒ่า เป็นประเพณีเค้าโบราณแต่กำเนิด จำไว้เถิดพวกท่าน โบราณถี้เก่าการ ฮีตสิบสองหมู่บ้านต้องเคารพถือตาม ศาสนาของพรามพุทธองศ์ทรงใช้ บุญบั้งไฟเดือนห้าผิดธรรมดาเก่า เอาเดือนเจ็ดแปด เข้าเดือนสิบนั้นบ่ควร เอาเดือนหกบุญสมพานจั่งล้านเต็มส่วนอานิสงค์ ฟ้าฝนลงไหลลีนใส่ดินอยู่เลิงเลื่อยเมฆหมอกเหมือนไหลย้อย หิมะมัวเมฆหมอก บ่อึดดอกข้าวน้ำ งามขึ้นลื่นหลัง เดือน 7 ตั้งเลี้ยงผีปู ปู๋ตาเลี้ยงเทวาอารักษ์ หมู่หลักเมืองพร้อม ต้องประนมมือน้อมขอพรเสริมส่ง  เดือน 8 บุญพระสงฆ์จำพรรษาอยู่ที่บ่อหนีเว้นล่วงคืน นี้ละพื้นฮีตเก่าโบราณพุทธกาลนานดนชอบกลกลอนแก้ เดือนเก้าดับจริงแท้แลดูฐานถิ่นบุญข้าวประดับดินรับศีลฟังเทศน์ด้วยอำนวยให้ผู้ตาย เดือนสิบเพ็งล่วงย้ายบุญเข้าสากรวมวัดจับสลากการะพัดจั่งทอดเททานล้าง เดือนสิบเอ็ดสมสร้างพรหมจันทร์เหลืองหล่า บุญพระวรรษาออกพรรษาพระแล้วหัวล้มต้องต่างหู เสียงนกเขาขันกูกกู้เรือกคู่สูงอยคอนเลาะหัวนาตีนดอน ผัดแม่นแจนแวนอ้อง เดือนสิบสองบุญกฐินสุดสิ้นฮอดกลางเดือนเพ็งเคิ่งตกเดือนเจียงมาเถิงภิกษุสงฆ์ต้องเข้ากรรมเจ้าสู่องค์ ฝูงชาวบ้านก็ประกาศกลางโป่งข้าวหมู่โตนำเอาบุญดับ ประพันธ์กรรมจื่อจำเอาไว้ฝูงชาวบ้านก็จั่งพากันสร้างทำบัญตักบาตรความมุ่งมาตอยากได้ไปขึ้นสู่สวรรค์

หมอลำกลอน (ฝ่ายชาย): นายวิจิตร อยู่เย็น อำเภอนาตาล จังหวัดอุบลราชธานี

หมอลำกลอน (ฝ่ายหญิง): นางจรวย แซ่ตั้ง อำเภอนาตาล จังหวัดอุบลราชธานี