ฟังกลอนลำไหว้ครู โดย หมอลำฤทธิ์ ไกยกิจ และ หมอลำสว่าง เชื้อหงษ์

กลอนไหว้ครู

โอ้ละน้อ… ละว่าสาธุ สาธุ พุทธรัตนัง ธรรมรัตนัง สังฆะรัตนัง ละคุณแก้วสามประการ คุณบิดามารดา ละคุณครูบาอาจารย์ สาธุเด้อให้มาปกมาบังให้มากั้งมาเลื้อม ยามลำไว้

โอ้ยละน้อ… น้วนนวนเอ้ย…แม่นวาน้อนาย สาธุเด้อ ข้าจักยกมือน้อม ชุลีกรวอนแอ่ว ขอให้สามหน่วยแก้ว มากุ่มเลื่อมบัง คุณพระพุทธกะให้มาอยู่หลัง คุณพระธรรมกะให้มาอยู่หน้า สาธุเด้อผู้ข้าอยู่กลาง พระบางอยู่เกล้าคุณพระสังฆราชเจ้าให้มาคุ้มเลื้องงำ คุณเลื่อมล้ำของแม่มารดา ทั้งบิดามีผู้พาเพียรเลี้ยงสาธุให้มาเฮียงตนเข้า บุตรตาน้อยอ่อน เวลาลูกเดือดร้อนให้มากุ่มเลื่อมบัง คุณเลิศล้ำนี่ของพระอาจารย์ สาธุเด้อเพิ่นมีคุณเหลือหลายให้ส่อยผองน้ำป้อง ทั้งคุณอ้อองค์มหานิยม ประสมอ้อป้องให้สมองผู้ข้าอย่าคาค้างหว่างคนสาธุเด้อลำมื่อนี้ให้คนซาจ้น ๆ จ้น ๆ นี่ไปทั่วโลกา ทั้งอินทร์พรหม เมืองแมน อยู่แดนสวรรค์ฟ้า เทวาพร้อมให้มาซอมหลิงลำ ผู้ข้าลำมื่อนี้ให้ดีล้นหลื่นเขา หลื่นเขา ให้ดีล้นหลื่นเขา

หมายเหตุ : กลอนลำอาจไม่ตรงกับเสียงที่หมอลำร้อง อาจเปลี่ยนไปตามลีลาของหมอลำแต่ละคน

หมอลำกลอน (ฝ่ายชาย) : นายฤทธิ์ ไกยกิจ อำเภอพิบูลมังสาหาร จังหวัดอุบลราชธานี

หมอลำกลอน (ฝ่ายหญิง) : นายสว่าง เชื้อหงส์ อำเภอสิรินธรจังหวัดอุบลราชธานี