ฟังลำกลอนมีพระคุณและบุญคน โดย หมอลำจำลอง สิงโต และหมอลำคำเพียร ดำงาม

กลอนมีพระคุณและบุญคน

ฟังเด้อเจ้าเฒ่าแก่ลุงตา  คนเฮาเกิดขึ้นมาลืมยังกะได้  แต่อย่าให้เจ้าลืมความดี ลือสาถี้ปานกำบ่ว่า  ลืมผีห่าผีเป้าผีโพง  ลือมการโกงหรือคอรับชั่น ลืมจั่งชั้นเพิ่นวาลืมดีคำสอนพระมูนีว่าให้ลืมความชั่ว ลืมตะกั่วให้มาเอาทองคำ ลืมของดำจิตใจใสส่องดอกไม้กองเผ่นว่ามีสี กลิ่นบ่มีความหอมบ่พ้อ เคยเห็นบ่ดอกไม้สีแดง ดอกสแบงดอกจานตามถ่งหอมบ่จ่งคือพวงพะยอม หอมเบิดชอมแม่นดอกขัดเค้า หอมเบิดแลงเบิดเช้าแม่นดอกกะดังงาลุงและตาไผทำกรรมฮ้าย เพิ่นว่าไว้คือดอกสแบง มีแต่แดงบ่มีฮอดกิล่น คนบ้าบิ่นเพิ่นอุปมาคนกินยาคือคนผีเพรต คนก่อเหตุเป็นคนผีผาย คนบ่อายคือคนผีเน่า เพิ่นกล่าวเว้าว่าเป็นคนบ่ดีเป็นอัปรย์ลืมคุณของชาติ ลืมคุณสาศคุณกษัตริย์ตรา เป็นคนหนาลือคุณพ่อแม่ เพิ่นเฒ่าแก่เฮาควรตอบสนอง เงินและทองสิไหลมาบ่ขาด บ่ประมาทในเรื่องคุณโณ ไผบ่ลืมนะโมคำสอนคำสั่ง เป็นประดุจดังแก้วเกิดทางใจ สิสิดใสสวนงามกว้าแก้ว งามบ่แล้วงามอยู่บ่เซา เพราะว่าเฮทำบุญทุกเมื่อ บ่ส่างเบิดส่างเบื่อในศิลในธรรม บุญเลยนำรักษาเช้าค่ำ ถึงสิต่ำบุญกะช่วยชุศิล จงทำดีไว้เด้อพ่อใหญ่ บาปบ่ไล่กรรมสิบ่มี จงไว้เด้อคุณพ่อ จงฟังต่อกลอนใหม่ดิฉันขอวันทาลงนี้

หมอลำกลอน (ฝ่ายชาย): นายจำลอง สิงโต อำเภอโพธิ์ทร จังหวัดอุบลราชธานี

หมอลำกลอน (ฝ่ายหญิง): นางคำเพียร ดำงาม อำเภอโพธิ์ไทร จังหวัดอุบลราชธานี